In pèr dis sulegl ed in pèr dis plievgia - l'aura da questa stad saja ideala per las alps. Uschia possia il pastg adina puspè crescher suenter, di Batist Spinatsch. Plinavant na stoppia la biestga betg ir a tschertgar il pavel orasum mintga grip ed entras quai saja il privel da crudar pli pitschen.
Ina stad sco quest onn avain nus gugent.
Las alps grischunas vegnan stgargiadas sco mintg'onn enturn ils 20 da settember - e quai malgrà ch'ins ha pudì ir ad alp quest onn circa 10 dis pli tard pervia da l'aura. Prolungar perquai la stagiun d'alp na cusseglia il Plantahof betg als purs.