Siglir tar il cuntegn
Inhalt

Chantun Son Gagl ha lubì memia spert da sajettar dus lufs dal Calanda

Ils dus lufs ch'avessan pudì vegnir sajettads la fin da l'onn 2015 en il chantun Son Gagl n'eran betg privlus. A questa conclusiun vegn la Dretgira administrativa dal chantun Son Gagl.

2 lufs giuvens en il guaud.
Legenda: Dus lufs giuvens dal triep dal Calanda - fotografads l'onn 2014. Uffizi da chatscha e pestga dal GR

La Dretgira administrativa da Son Gagl suonda en quest cas al parairi da la Dretgira administrativa dal Grischun. Lezza aveva er gia decidì che la lubientscha da sajettar ils lufs saja vegnida dada memia svelt. Il WWF Svizra aveva reclamà ed ha ussa survegnì raschun. Omaduas dretgiras han confermà che las cundiziuns per pudair sajettar ils lufs n'eran betg ademplidas.

Ils dus lufs avevan dentant gì cletg. Els n'eran la finala betg vegnids sajettads perquai ch'els n'eran mai vegnids datiers ad abitadis grazia a l'enviern miaivel dal 2015.

RR novitads 11:00