Siglir tar il cuntegn
cuntegn

Chantun Skiunz da turas mora sut lavina a Flem

Sur il glatscher da Segna a Flem è in giuven skiunz da turas mort en ina lavina. Sco quai che la Polizia chantunala communitgescha, era il giuven da 21 onns dal chantun Son Gagl ensemen cun trais persunas parentas sin ina tura en direcziun Piz Sardona.

La lavina vid ina spunda dal Surenjoch.
Legenda: La lavina vid ina spunda dal Surenjoch. Polizia chantunala Son Gagl

Cura ch'il skiunz ha traversà ina spunda dal sid al Surenjoch ha el distatgà ina lavina. Curt suenter è sa distatgada ina segunda lavina sur il skiunz, lezza ha sepulì il giuven. Malgrà l'agid immediat dals accumpagnaders, da la Rega sco er dal salvament alpin dal Pizol n'èsi betg gartegià da salvar viv il sepulì.

RR novitads 14:00