Siglir tar il cuntegn

Header

cuntegn

Situaziun quieta 6 persunas cun corona en ospitals grischuns

La fin da l'onn 2020 era la situaziun en ospitals per part precara. Quai en Svizra, sco er en il Grischun. Ils letgs per persunas cun il coronavirus eran quasi tuts occupads.

Actualmain saja la situaziun quieta, ha il minister da sanadad dal Grischun, Peter Peyer ditg ad RTR. Il mument sajan sis persunas cun il coronavirus en ospitals grischuns. Nagina saja dentant per il mument sin la staziun intensiva. Questas cifras mussian tge effect che la vaccinaziun haja, gist tar glieud pli veglia u glieud cun malsognas cronicas.

Peter Peyer
Legenda: Il minister da sanadad grischun, Peter Peyer è cuntent che la vaccinaziun porta fritg. Keystone

Il Grischun dumbra (stan 06-04-2021) 328 cas activs da corona. Las cifras da corona en il Grischun creschian actualmain dentant levet. Spezialmain tar ils giuvens tranter 15-34 onns dettia per il mument dapli cas, tenor Peter Peyer. Quai mussia che la glieud s'inscuntria puspè pli savens, oravont tut er pervia da l'aura miaivla.

RTR actualitad 17:00

Artitgels legids il pli savens