Siglir tar il cuntegn

Header

video
Er en Grischun vegnan ils ospitals a lur cunfins
Or da Telesguard dals 19.11.2020.
laschar ir
cuntegn

Situaziun chantunala Stabilisaziun sin aut nivel ma nagin regress cler

La media chantunala dal Grischun Marina Jamnicki discurra d'ina situaziun acceptabla en il chantun pertutgant ils cas da corona. Cun radund 100 novas infecziuns per di saja il dumber sa stabilisà sin in aut nivel.

Anc uss na possian ins betg constatar in regress cler tar il dumber d'infecziuns, uschia ha la media chantunala Marina Jamnicki, infurmà avant las medias. La situaziun saja dentant acceptabla. Pertge ils ospitals dettian actualmain dumogn, il mument èn 56 persunas ospitalisadas en il chantun pervia da Covid-19. Sin las staziun intensivas èn 10 persunas, 9 dad ellas vegnan respiradas. Qua possia quai vegnir stretg, uschia Jamnicki. Tar las ospitalisaziuns quinta l'Uffizi chantunal da sanadad da cuntanscher il punct culminant la fin november.

Stagiun da skis e cas da corona

Far ina prognosa pertutgant ospitalisaziuns a pli lunga vista saja uss strusch pussaivel. I saja cler che la stagiun d'enviern muntia er per ils ospitals stagiun auta. Sch'i saja da quintar qua cun stretgas en ils ospitals grischuns possia nagin dir uss, uschia Marina Jamnicki. I saja dentant segir da star attent ch'i na dettia betg cumulaziuns d'accidents da sport e cas da corona.

video
L'inspectur da scola chantunal, Phiipp Hugentobler, vul evitar ina serrada da las scolas
Or da Telesguard dals 19.11.2020.
laschar ir

Las cifras actualas en Svizra

Aifer las ultimas 24 uras ha l'Uffizi federal da sanadad survegnì 5'007 annunzias da novas infecziuns dal coronavirus. La media da 7 dis è uschia sin 5'001, in quart pli pauc ch'avant in emna. La rata positiva da test munta a 23,6%, vul dir da 100 tests èn bunamain 24 positivs.

Ultra da quai ha il BAG registrà 79 novs mortoris e 221 entradas en ospitals. En total annunzian ils chantuns il mument passa 3'800 persunas che vegnan tractadas en ils ospitals pervi da Covid-19.

RTR novitads 12:00

Artitgels legids il pli savens

Scrollar a sanestra Scrollar a dretga