Da las mesiras da persunal èn pertutgads 16 da 127 impiegads da l'interpresa da gasettas. Per la gronda part dals pertutgads hajan ins chattà offertas alternativas aifer la Somedia u ch'ins haja offert ina reducziun dal pensum da lavur. En tut vegnan 600% da plazzas stritgads. Adattaziuns da pensums vegni però er a dar tar ils collavuraturs libers. Sco la Somedia scriva, duai la reducziun da plazzas succeder socialmain cumpatibel.
La fin da schaner ha la chasa editura Somedia fatg enconuschent che las duas gasettas Südostschweiz e Bündner Tagblatt duain en l'avegnir avair ina redacziun cuminaivla. Finamira da questa fusiun saja d'evitar duplicitads, nizzegiar sinergias e d'optimar ils custs.
RR novitads 16:00