Siglir tar il cuntegn

Header

video
Bardigliada Sinergia
Or da RTR dals 21.11.2019.
laschar ir. Durada: 49 Secundas.
cuntegn

Sinergia Roschada sur plirs onns

Tut las unitads da l’administraziun chantunala a Cuira sa chattan en 44 differents lieus. Cun far midada en la Sinergia schlia il chantun 12 contracts da locaziun. Tscherts bajetgs salva il chantun, auters vegnan scrits ora cun dretg da construcziun. Per exempel il vegl bajetg da chemia.

audio
Bunura: Sinergia – Il plan da midada
ord Actualitad dals 21.11.2019.
laschar ir. Durada: 3 minutas 3 Secundas.

Era en la via Loë vegnan 5 bajetgs libers, dentant pir en dus onns, perquai ch’i dat ina roschada d’uffizis. Per exempel va la procura publica dal Sennhof da nov en la via Rohan, en ils biros che vegnan libers da l’uffizi per energia e da l’uffizi social.

440 persunas da 14 unitads midan l’entschatta da l’onn 2020 en la Sinergia.

Midada fan:

Avrir la box Serrar la box
  • Departament d'economia publica e fatsch socials
  • Uffizi per economia e turissem
  • Uffizi per il svilup dal territori
  • Uffizi d'agricultura e da geoinfurmaziun
  • Uffizi per la segirezza d'aliments e la sanadad d'animals
  • Uffizi per industria, mastergn e lavur
  • Inspecturat dal register funsil e register da commerzi
  • Uffizi per la natira e l'ambient
  • Secretariat dal departament da construcziun, traffic e guaud
  • Uffizi da construcziun auta
  • Uffizi da guaud e privels da la natira
  • Uffizi d'energia e da traffic
  • Uffizi da chatscha e pestga
  • Centrala da stampat e material

La segunda etappa è almain en il chau

Planisà fiss anc ina segunda etappa, in segund bajetg per 270 persunas da l’administraziun chantunala. Questa etappa saja uss pir en ils chaus, di Markus Dünner. Avant che quella po vegnir realisada sto ella anc vegnir proponida al parlament ed a la populaziun.

RR actualitad 08:00

Artitgels legids il pli savens