Passa 3’900 persunas han suttascrit la petiziun ch’è vegnida surdada uffizialmain durant la pausa da la sessiun extra muros oz a Puntraschigna. Concret vai per la via chantunala tranter Segl e Plaun da Lej – ina via che sto adina puspè vegnir serrada pervi da lavinas u crudadas da crappa.
El speria ch'il chantun prioriseschia quest problem, ha ditg il deputà da San Murezzan Mario Salis en il num da deputadas e deputads da l'Engiadin'Ota e la Bregaglia. Cusseglier guvernativ Mario Cavigelli ha sincerà ch'el enconuschia la situaziun.
La proposta actuala ch'el ha preschentà questa primavaira a la populaziun è da bajegiar in tunnel da circa dus kilometers en la muntogna. Quel custass radund 200 milliuns francs.
RR novitads 17:00