Siglir tar il cuntegn

Header

cuntegn

Sessiun extra muros Il terz di a Puntraschigna

La survista cumpacta da las debattas ed in cuc davos las culissas.

Il ticker è a fin

  • 19:08

    Muottas Muragl

    Questa vista na dovra nagins pleds...

    Bella saira!

    In purtret da la vista giu da Muottas Muragl.
    Legenda: RTR, Prisca Bundi
  • 16:25

    Fin per oz - politicamain

    Quai è stada l'ultima decisiun per oz dal Cussegl grond. Bainbaud sa mettan tuttas e tuts sin via si Muottas Muragl. Là datti - sper apero e tschaina - ina saira cun il focus turissem.

  • 16:19

    Via Sumvitg - Mustér

    La regenza grischuna sclerescha co far pli segira la via chantunala tranter Sumvitg e Mustér. La via sto adina puspè vegnir serrada pervia da privel da lavinas. Quai vala era per il traject da la Viafier retica ch'è datiers.

    Senza cuntravusch han deputadas e deputads acceptà questa incumbensa dal deputà Clemens Berther (PCD, Mustér). In tunnel na vegn dentant betg en dumonda, quai è gia ussa cler.

  • 16:05

    Davos las culissas

    Rapports per il Telesguard pon ins era far davent da Puntraschigna. Quai è il team che producescha, filmescha, taglia e moderescha al lieu - grazia a la tecnica mobila...

    Maletg dal team dal Telesguard a Puntraschigna
    Legenda: Armon Schlegel
  • 15:53

    Turissem a Puntrschigna

    Puntraschigna s'auda tar ils lieus cun ils pli blers hotels en Engiadin'Ota. Ubain sco Nuot Saratz di: «La hotellaria è impurtantischma".

    Dapli questa saira en il Telesguard, las 17.40 sin SRF 1 ubain gia ussa qua:

    video
    Puntraschigna e ses hotels
    Or da RTR dals 13.06.2019.
    laschar ir. Durada: 2 minutas 1 Secunda.
  • 15:26

    Green Deal - las reacziuns

    Forsa èsi in tema da moda - forsa in basegn. En scadin cas ha la pretensiun da mesiras per proteger il clima dà bler da discutar oz. La lavur concreta cumenza dentant pir...

    video
    Green Deal - la debatta
    Or da RTR dals 13.06.2019.
    laschar ir. Durada: 1 minuta 13 Secundas.
  • 15:17

    Translaziun simultana

    Darar - u forsa insumma mai - hai dà ina debatta sumeglianta en il Cussegl grond: Deputadas e deputads han discurrì en lur lingua materna. La raschun è la dumonda dal deputà Tobias Rettich (PS, Vaz Sut) sch'ins vuless introducir ina translaziun simultana per las debattas.

    Tge che parlamentaris tudestg din da quai, co ils talians vesan la situaziun e quants che han discurrì rumantsch en la debatta - tadlai venderdi bunura Radio Rumantsch.

    Quai ina pitschna impressiun:

    audio
    Debatta davart translaziun simultana
    ord Actualitad dals 13.06.2019.
    laschar ir. Durada: 1 minuta 3 Secundas.
  • 14:22

    Far contacts

    I vegn adina detg: En ina sessiun extra muros na vai betg be per politica, mabain era da vegnir en contact cun glieud. Nus avain fatg il test co quai funcziuna...

  • 14:12

    Suentermezdi cumenza

    Suenter ina marenda da bellezia aura va la lavur en sala vinavant. Enfin las 16:30 uras vegn discutà differentas dumondas ed incumbensas da deputadas e deputads. Tranter auter vai per

    • l'instrucziun da linguas estras en scola
    • translatar simultan las discussiuns dal Cussegl grond
    • transparenza da paja per collavuraturs chantunals
    • fusiuns da vischnancas
    • etc.
  • 12:27

    PAUSA

    ...fin las 14:00 uras han deputadas e deputads pausa da mezdi.

    Bun appetit!

  • 12:19

    GEA a Green Deal

    Suenter ina discussiun animada che ha mussà las differentas posiziuns, ha il Cussegl grond decis da surdar a la regenza l'incumbensa dal «Green Deal». La votaziun finala è stada clera cun 103 cunter 16 vuschs.

    La regenza sto ussa elavurar in plan d'acziun cun mesiras - quai tuna plitost pauc precis. Tge concret che quai munta dumandain nus suenter e rapportain questa saira en radio, Telesguard e qua en il ticker.

    Maletg durant l'intervista cun Philipp Wilhelm
    Legenda: RTR
  • 12:10

    Gallaria Val Minger

    En la Val Minger - tranter Vinadi e Martina - duai vegnir bajegià ina gallaria per garantir la segirtad. Quai ha ditg il cusseglier guvernativ Mario Cavigelli oz avantmezdi.

    Il deputà Duosch Fadri Felix (PLD, Scuol) aveva fatg attent en ina dumonda a la regenza ch'i dettia adina puspè bovas e crudada da crappa sin quest traject.

    audio
    Intervista cun Mario Cavigelli
    ord Actualitad dals 13.06.2019.
    laschar ir. Durada: 3 minutas 18 Secundas.
  • 11:43

    Premiera

    Ina sessiun extra muros datti be ina giada pro legislatura. Perquai èsi per numerusas deputadas e deputads ina premiera quels dis a Puntraschigna. Era per Diego Deplazes (PCD, Rabius).

    Sias experientschas raquinta el suenter las 12 uras al Radio Rumantsch ubain gia ussa qua:

    audio
    Intervista cun Diego Deplazes
    ord Actualitad dals 13.06.2019.
    laschar ir. Durada: 3 minutas 27 Secundas.
  • 11:25

    Green Deal

    Uss cuntinuescha la debatta davart la dumonda sch'il Grischun dovra in «Green Deal» - in plan d'acziun cun mesiras per proteger il clima. Quel propona il deputà Philipp Wilhelm (PS, Tavau).

    Gia ier aveva la discussiun cumenzà:

    video
    Impressiuns da la debatta «Green Deal»
    Or da RTR dals 13.06.2019.
    laschar ir. Durada: 27 Secundas.
  • 11:19

    Massa dumondas

    Ella ha num «ura da dumondas», là nua che deputadas e deputads pon inoltrar ordavant lur dumondas ed ils commembers da la regenza dattan ina curta resposta a bucca durant la sessiun.

    Oz ha quell'ura dentant durà trais uras. Quai che na fa betg smirvegliar: 25 dumondas èsi stà da tractar èn ina suletta sessiun. Quai è dapli che normalmain.

    Dumondas inoltradas durant l'ura da dumondas

    201766
    2016
    55
    201566
    201462
    201365
    201237
    201143
    201019
    200933
    200846
    200735
  • 10:39

    Pausa activa

    «Bisch fit?» han ils uffants dumandà deputadas e deputads durant pausa. Al cusseglier guvernativ Peter Peyer han els mussà co far passlung...

    Peter Peyer culs uffants vida far passlung
    Legenda: Nadja Cadonau
  • 10:04

    PAUSA

    ...temp per bandunar la sala e giudair in zic il sulegl da l'Engiadin'Ota...

    Sguard ord fanestra dal Rondo
    Legenda: RTR
  • 10:01

    Promoziun da rumantsch e talian

    Ina gruppa da lavur da plirs departaments chantunals vegn ad analisar il rapport davart la promoziun dal rumantsch e dal talian en il Grischun - il rapport ch'il Center per democrazia ad Aarau aveva fatg sin incumbensa da la confederaziun. Sin basa da questa analisa vul la regenza decider nua ch'i dat potenzial per meglierar la promoziun.

    En quest senn ha il president da la regenza Jon Domenic Parolini respundì ina dumonda da la deputada Sandra Locher Benguerel (PS, Cuira).

  • 9:47

    Chatscha speziala

    Midadas concretas per la chatscha grischuna da quest atun n'èn anc betg sin maisa - dentant en discussiun. Cler saja ch'ins stoppia far insatge en connex cun ils asils da selvaschina.

    Uschia ha cusseglier guvernativ Mario Cavigelli respundì ina dumonda dad Enrico Kienz (PBD). Il deputà da Ramosch vuleva savair tge mesiras che la regenza prevesa suenter il NA a l'iniziativa che vuleva abolir la chatscha speziala.

  • 9:31

    Davos las culissas

    Puntraschigna metta a disposiziun pliras stanzas da medias en il center da congress Rondo. L'equipa dad RTR parta ina stanza cun ils collegas da l'Agentura da novitads rumantscha ANR e dal schurnal regiunal da radio SRF.

    3 redacturas dad RTR vid la lavur
    Legenda: Contribuziuns e videos per medias socialas, online e radio - tut vegn producì a Puntraschigna. RTR

Artitgels legids il pli savens