Servetsch per purs - Alarm! – cura ch'il luf ha stgarpà...

Co funcziuna il sistem d’alarm?

audio

Bunura: Sistem d'alarm da lufs – Co funcziuni?

03:23 min, ord Actualitad dals 26.07.2019.

laschar ir. Durada: 3 minutas 23 Secundas.

Dapi la fin d’emna dals 13 e 14 da fanadur datti in sistem per alarmar purs, pasters ed apiculturs cura ch'i ha dà in stgarp. Il sistem d’alarm è vegnì instradà da l’Uffizi da chatscha e pestga. Sch’in luf u in auter animal da rapina stgarpa ina nursa u in auter animal da niz lura vegn sco fin qua il guardiaselvaschina sin il plaz. El eruescha lura tge animal ch’ha fatg il stgarp – luf u luf-tscherver.

Da nov decida el uss in radius nua ch’i fa senn dad infurmar ils purs. Tar in luf è quel pli grond che tar in luf-tscherver perquai ch’il luf fa pli grondas distanzas.

00:12

video

L'alarm suenter il stgarp a Sursaissa

Or da RTR dals 25.07.2019.

laschar ir. Durada: 12 Secundas.

Cura ch’el ha ensemen tut las infurmaziuns ch’el dovra dat el vinavant quellas al Plantahof. Quel ha tut las datas dals purs e trametta lura il SMS cun las infurmaziuns:

• nua ch'i ha dà il stgarp
• cura è il stgarp capità
• tge ch'è precis capità

Tge ch’ils purs fan lura cun quellas infurmaziuns è surlaschà ad els. Els èn dentant avertids ch’in animal da rapina è en lur regiun e pon per exempel controllar anc ina giada lur saivs. Marc Hosig, il responsabel per il sistem tar l’Uffizi da chatscha e pestga punctuescha dentant ch’ins saja anc en ina fasa da test. El prenda gugent encunter feedback per ch’il sistem po lura vegnir meglierà.

audio

Bunura: Sistem d'alarm da lufs – Rolla dals guardiaselvaschinas

02:45 min, ord Actualitad dals 26.07.2019.

laschar ir. Durada: 2 minutas 45 Secundas.

Co vesa il guardiaselvaschina tgi che ha stgarpà?

Per il luf èsi fitg tipic da mazzar sia preda cun ina morsa plazzada vid la gula. Ils dents gits dal luf èn radund 4cm in ord l'auter ed èn uschia da differenziar da las morsas d'in luf-tscherver. Per il luf-tscherver èsi percunter tipic ch'el zuppa per part sia preda. Er tipic è ch'el maglia ora la charn da la preda e lascha enavos il pail.

1 / 5

Legenda: Sco proxim èn da vesair intgins purtrets da predas dal luf e dal luf-tscherver. RTR

2 / 5

Legenda: Tipic per il luf è ch'el mazza sia preda cun ina morsa plazzada fitg precisa vid la gula. MAD, Uffizi da chatscha e pestga

3 / 5

Legenda: Qua è da vesair il stgarp d'in luf: La distanza tranter las rusnas dals dents è 4cm lunga. MAD, Uffizi da chatscha e pestga

4 / 5

Legenda: Tipic per il luf-tscherver è ch'el maglia ora tutta charn, ma lascha enavos il pail da la preda. MAD, Uffizi da chatscha e pestga

5 / 5

Legenda: Plinavant zuppa il luf-tscherver sia preda per pudair turnar pli tard. MAD, Uffizi da chatscha e pestga

Ils purs èn per il pli cuntents

audio

Bunura: Sistem d'alarm da lufs – Tge din ils purs?

02:57 min, ord Actualitad dals 26.07.2019.

laschar ir. Durada: 2 minutas 57 Secundas.

La nova purschida chat jau cumplet en urden. Quai è insatge positiv ch'i fan quai.

Suenter in SMS èn ins schon malruassaivel, dentant ils guaffens a grad giu na lasch jau betg per currer si d'alp.

Nus prendain las annunzias per sms fitg serius, dentant panica na datti qua nagina.

«Betg in servetsch da glisch blaua»

Batist Spinatsch, manader da cussegliaziun al Plantahof:

03:29

video

Intervista cun Batist Spinatsch

Or da RTR dals 25.07.2019.

laschar ir. Durada: 3 minutas 29 Secundas.

RTR actualitad 06:00