La regenza dal chantun Grischun ha approvà ina revisiun parziala davart l’admissiun a las scolas medias. Scolars e scolaras d’auters chantuns e da l’exteriur na ston betg pli far in examen d’admissiun. Cun quest pass vul il chantun eliminar dischavantatgs da concurrenza da las scolas medias privatas en il Grischun envers autras scolas privatas en Svizra. Las scolas medias privatas dal Grischun han numnadamain pli e pli grondas difficultads da recrutar scolars d'auters chantuns e da l'exteriur.
Enstagl da selecziunar ils scolars sur l'examen d'admissiun chantunal duain las scolas medias examinar cun in’atgna procedura, sch'ils scolars han las abilitads per absolver cun success la scola media.
RR novitads 10:00