Las spiertas d'agroturissem èn vastas en il Grischun e procuran per var 50'000 pernottaziuns l'onn. En congual cun las 4,6 milliuns pernottaziuns ch'il Grischun ha registrà l'onn 2016 è quai ina pitschna cumpart. Dentant ina cumpart impurtanta per Grischun Vacanzas, sco Myriam Keller di. Quella cumpart stat numnadamain per la variaziun dal turissem en il Grischun.
Perquai vertissi anc dapli spiertas agroturisticas. Da quest avis è era Carelia Joos, presidenta da l'Uniun Agricultura Grischun. Sia incumbensa centrala è da persvader ils purs da fabritgar si spiertas d'agroturissem e da sa participar a l'uniun.
Existenzas periclitadas
Per intgins purs è la spierta d'agroturissem daventada existenziala, uschia era per Isidor Sepp e sia famiglia da Müstair. 40% da las entradas resultan da las activitads turisticas.
L'onn 1998 ha Isidor Sepp midà ses bain puril sin vatgas da latg e davent da là era cumenzà ad introducir l'agroturissem. Dal zercladur fin l'october pon ins pernottar en sia pauraria Puntetta en il fain. La purschida turistica cumpiglia dentant era stanzas confortablas, trekking cun lamas ed ina gronda schelta da products biologics dal bain puril.
RR actualitad 07:00