Siglir tar il cuntegn
cuntegn

Chantun Segunda emprova cun «Hesch dr bändel?»

Durant la stad avant in onn eran els sparpagliads en l'entira citad – ils placats cun Urs Marti, Gimma ed auters ch'èn sa mess en posa cun il bindel da la festa da Cuira. Era quest onn vegnan ils bindels puspè vendids. Els n’èn dentant betg pli cotschens, mabain nairs.

Legenda: Guardar il video Festa da la citad da Cuira 2017. Durada 01:06 minutas.
Or da Telesguard dals 28.06.2017.

La finamira era da vender 7’000 bindels, ma igl è vegnì cumprà sulet 3’000 bindels il davos onn. «Persunalmain hai jau spetgà dapli. Igl è dentant er stà difficil da taxar tge effect che l'acziun vegnia ad avair», declera Andrea Thür, presidenta dal comité d'organisaziun da la festa da Cuira.

Per quest onn sajan ils 3’000 bindels da l'onn passà ina basa. «Nus sperain che nus vegnin d’augmentar questa cifra», uschia Thür. Capitar duai quai cun agid d'ina novaziun. Il bindel da festa è colliads cun differentas acziuns, sco per exempel rabats per entradas da museums, per bigliets da kino u in guid per la mesadad dal pretsch tras la citad da Cuira.

RR actualitad 06:00