Scolaziun d'emprendists - Ems Chemie survegn premi da furmaziun naziunal
Il Premi naziunal per furmaziun 2019 per la purschida d'emprendissadi exemplarica e lur promoziun ha survegnì la Ems Chemie. Ils 20'000 francs cun ils quals il premi è dotà, vul la scheffa Magdalena Martullo-Blocher investir en il svilup d'ina applicaziun interna per la furmaziun professiunala.
La Ems Chemie haja persvas cun emprendissadis exemplarics e la promoziun da quels en l'intern dal pajais sco era en l'exteriur, scrivan las fundaziuns Hans Huber e la Fundaziun FH Svizra a chaschun da la premiaziun a Bienna.
Il cusseglier naziunal da Berna e president da la Fundaziun FH Svizra, Christian Wasserfallen, ha numnà Martullo-Blocher ina «mentura da la furmaziun professiunala ed in cas da cletg». Sco impressaria s'engaschia ella a moda pratica ed en il Cussegl naziunal er sin palc politic per il sistem dual da furmaziun.
Martullo-Blocher ha prendì encunter il premi sco suppleanta dal team da scolaziun e furmaziun professiunala.
Premi naziunal per la furmaziun
Avrir la boxSerrar la box
Il premi naziunal per la furmaziun vegn surdà mintg'onn. La fundaziun Hans Huber promova la furmaziun professiunala, en spezial ils emprendissadis. La Fundaziun FH Svizra s'engascha per il sistem dual da furmaziun e per las scolas autas spezialisadas.
Ord l'archiv:
La Ems Chemie fa er adina puspè workshops per scolaras e scolars che s'interesseschan per in mastergn tar els.
03:40
video
100 scolaras e scolars als workshops en l'Ems-Chemia
