Siglir tar il cuntegn
Inhalt

Chantun Scolasts mussan pauc interess per iniziativa da linguas estras

Ils scolasts dal Grischun mussan pauc interess per l'iniziativa da linguas estras. Mo mintga tschintgavel è sa participà ad ina prevotaziun.

Dicziunaris.
Legenda: En la primara emprendessan ils scolars mo ina lingua estra pli. Keystone

L'avrigl ha l'uniun da magistraglia grischuna fatg ina prevotaziun cun lur commembers per sentir il tenor en connex cun la votaziun. L'interess è dentant stà pitschen: mo 22% dals scolasts grischuns han fatg part a la prevotaziun.

Per ils scolast èsi pli impurtant ch'els possian instruir ils scolars sut bunas cundiziuns.
Autur: Sandra Locher BenguerelPresidenta LEGR

Il resultat tar ils participants è stà stgars cun ina refusaziun da 53,2%. La tenuta sa differenziescha cunzunt en las regiuns linguisticas. Entant che la magistraglia da la regiun linguistica approvass l'iniziativa, èn ils scolasts en las regiuns rumantschas cleramain cunter l'iniziativa che prevesa ch'ils scolars emprendian mo ina lingua estra en la scola primara. Tar ils scolasts talians ha l'iniziativa perfin nagins aderents.

Nagina participaziun durant il cumbat

Pervia dal resultat stgars e la schleta participaziun a la prevotaziun na vegn l'uniun da magistraglia grischuna betg a sa participar activamain al cumbat da votaziun.

RR novitads 06:00