Siglir tar il cuntegn
Inhalt

Chantun Scolasts e scolastas pretendan dapli paja

Lur pajas na creschian betg tuttina svelt sco las pretensiuns, di la Federaziun svizra da las scolastas e dals scolasts. Da la medema opiniun èn er ils scolasts e las scolastas dal Grischun. Perquai pretendan els dapli paja.

In magister declera a scolars da stgalim superiur enzatge en ina stanza da scola.
Legenda: La magistraglia pretenda dapli paja. Keystone

Las pajas dals scolasts e las scolastas na sajan betg sa sviluppadas adequat a las pretensiuns tranter il 2013 e 2017. Quai mussia l'analisa da las pajas da la Federaziun svizra da scolasts e scolastas tar lur secziuns chantunalas. Er da quest avis èn ils scolasts e las scolastas dal Grischun. Per consequenza pretendan els in augment da las pajas.

La finamira saja da cuntanscher in plaz mesaun en cumparegliaziun cun ils auters chantuns, scriva l'organisaziun dals scolasts e da las scolastas grischuna. Quai sin basa da l'enquista da paja 2018. Tar las mussadras da scolina è il Grischun vinavant a la cua, quai che pertutga la paja iniziala, sco l'enquista mussa.

RR novitads 11:00