Siglir tar il cuntegn

Chantun «Schischuri» è il pled rumantsch 2015

Il pled da l'onn 2015 è «schischuri»; in pled che tuna bain e munta insatge mal. Quai ha decidì la giuria dal pled rumantsch 2015.

Legenda: Guardar il video «SCHISCHURI è il pled rumantsch 2015». Durada 1:15 minutas.
Or da Telesguard dals 16.12.2015.

«Schischuri» descriva l'in tranter l'auter (la confusiun) che regia sin quest mund pli quader che radund. Dals 127 pleds ch'il public ha inoltrà ha la giuria tscharnì «schischuri», perquai ch'el è actual e descriva il stadi sin l'entir mund, argumentescha la giuria dal «Pled rumantsch 2015».

Menziuns spezialas

Sper il pled da l'onn ha la giuria era menziunà 3 ulteriurs pleds, perquai ch'els «tunan bain»:

  • stgavo: per reactivar in bel vegl bainvegni rumantsch
  • fluppa: per introducir in slang surmiran per la marusa
  • bitscharola: in neologissem per quai che resta, sch'il stgavo cun la fluppa è memia intensiv («Knutschfleck»).

RR novitads 17:30