Siglir tar il cuntegn

Header

cuntegn

Chantun Schelta tranter taxa da giasts e taxa d’alloschament

Da nov vul la regenza grischuna dar a las vischnancas la pussaivladad d'incassar ina taxa d'alloschament empè d'ina taxa da giasts. Uschia duai la finanziaziun dal turissem vegnir pli simpla.

La regenza grischuna ha deliberà la missiva tar ina revisiun parziala da la lescha davart las taglias communalas per mauns dal Cussegl grond. En quest connex vul ella simplifitgar la finanziaziun dal turissem er tar ils alloschaders. La regenza propona da midar en general da la frequenza a la capacitad. Concret na duai la taxa betg pli depender da las singulas pernottaziuns dals giasts, mabain vegn calculada a maun dal dumber da chombras u a maun da la surfatscha d'abitar.

Sco la regenza scriva, saja la taxa da giasts sin fundament dal dumber da pernottaziuns strusch da controllar ed er betg moderna.

audio
Bunura: Cussegl grond: Taglia communala e da baselgia
ord Actualitad dals 23.11.2017.
laschar ir. Durada: 2 minutas 37 Secundas.

Las vischnancas decidan libramain

Sch'ina vischnanca vul midar a questa nova taxa, sto ella reglar ils detagls en la lescha communala da turissem, sco ch'ella fa quai gia oz per la taxa da giasts. A las vischnancas stettia dentant liber, da restar tar la taxa da giasts actuala e da betg introducir la taxa d'alloschament.

Ils profits entras la taxa d’alloschament ston vegnir duvrads per finanziar expensas en l’interess da las persunas che ston pajar. Per garantir quai duain las vischnancas e las organisaziuns turisticas stuair communitgar co ellas dovran ils meds finanzials. Quai duai servir a la transparenza e stgaffir confidenza tranter las partidas.

Il Cussegl grond vegn a tractar il project en la sessiun da favrer 2018.

RR novitads 10:00+

Artitgels legids il pli savens