Siglir tar il cuntegn

Header

cuntegn

Chantun Sche la festa da Cuira quinta istorgias…

La festa da Cuira è enconuschenta sco lieu d’inscunter. Mintg’onn attira la festa Grischuns da tut las regiuns. Entant che la festa è per ils ins in termin fix èn l’agenda è la festa per auters be canera.

Per la famiglia Giger che abitescha a St. Margrethen è la festa da Cuira ina data fixa en il chalender. Els prendan mintg'onn liber aposta per vegnir a Cuira.

Arianna e Bruno Giger cun Morena e Lorenzo.
Legenda: Arianna e Bruno Giger cun Morena e Lorenzo. RTR, Fabia Caduff
Vegnir a la festa da Cuira è per nus in vegnir a chasa.
Autur: Bruno Giger bab

Iso Huonder e Claudio Tschuor van mintg'onn a la festa da Cuira. Els s'inscuntran mintg'onn cun lur collegas. Tuts che abiteschan en in auter lieu ubain giu la bassa e per ina giada l'onn sa vesan els a Cuira.

Claudio Tschuor ed Iso Huonder.
Legenda: Claudio Tschuor ed Iso Huonder. RTR, Fabia Cauduff
Per ina giada l’onn vegnin nus, ina gruppa da collegas, si da la bassa e s'inscuntrain a la festa da Cuira.
Autur: Iso Huonder e Claudio Tschuor

Però quai ch'è per ils ins in giudair e per ils auter in stuair. Dunna Maria abitescha amez la citad veglia da Cuira ed ha durant trais dis tut il temp canera. Uschè che ella ha chattà in tric per tuttina pudair durmir la notg: ils 'pamirs' sco protecziun da l’udida.

audio
Bunura: Istorgias da la festa da Cuira
ord Actualitad dals 22.08.2016.
laschar ir. Durada: 2 minutas 53 Secundas.
Jau abitesch amez la citad veglia. Pervi da la canera dorm jau cun 'pamirs'.
Autur: Dunna Maria

Dentant las bleras istorgias n'han ils visitaders betg vulì tradir. Els han tuts ditg che quellas istorgias na sajan betg adattadas per il radio. Dentant sajan quai las istorgias che restian ad els adina en memoria.

RR actualitad 07:00

Artitgels legids il pli savens