Siglir tar il cuntegn
cuntegn

Chantun Sanaziun da l'A13 en Valragn

Ils proxims dis vegnan cuntinuadas las lavurs da sanaziun vid l'autostrada A13 a Valragn.

Via.
Legenda: Las lavurs actualas vegnian probabel a cuzzar enfin l'october 2018. MAD

Grondas parts dal traject da l'A13 sin il territori da la Valragn vegnan per il sanadas. Ils proxims dis vulan ins cuntinuar cun las lavurs. Tar las lavurs actualas vai tranter auter da remplazzar e renovar las sortidas respectiv entradas en l'autostrada tar l'access al pass dal San Bernardino. Las construcziuns da beton hajan prendì donns.

Traffic strusch impedì

Il traffic duai tenor l'Uffizi federal da vias strusch vegnir restrenschì pervia da las lavurs da sanaziun. Ins stoppia sulettamain serrar l'autostrada durant intginas notgs. En quests cas vegnia il traffic lura svià . Plinavant sto er l'entrada e la sortida tar l'A13 en direcziun Tusaun vegnir serrada, uschia ch'ins sto er là quintar cun sviaments. Las lavurs actualas vegnian probabel a cuzzar enfin l'october 2018.

La sanaziun totala dura probabel fin l'onn 2021 e custa en tut 50 milliuns francs.

RR novitads 17:00