Siglir tar il cuntegn
Inhalt

Chantun Rumantschs legian sin palperi

La Chasa Editura Rumantscha CER ha vendì 3’300 products l'onn 2015. Strusch 1% (29) da quels eran e-books. Quai resorta dal rapport da gestiun ch’è vegnì publitgà oz.

la manadra da fatschenta da la CER, Anita Capaul.
Legenda: Loscha dal prestà - la manadra da fatschenta da la CER, Anita Capaul. mad

Il facit che la CER fa da l’onn 2015 resorta da la publicaziun a las medias: “Era questa giada è il quint equilibrà e la CER è loscha dal prestà da l’onn passà”.

En il rapport annual sa mussa la manadra da fatschenta da la CER, Anita Capaul, en pli cuntenta da la varietad dal program d’ediziun 2015. Cun “Emalio” ha la CER preschentà per l’emprima giada in cudesch da fantasy. El è vegnì accumpagnà en la rait cun in atgna pagina ed ina cumparsa sin facebook.

L’onn 2015 ha la CER mess pais sin collavuraziuns cun partenaris da la litteratura e cultura. Dapli che 60 menziuns en ils divers chanals da medias demussian l’interess e l’accoglientscha per lur publicaziuns, uschia Anita Capaul.