Enturn las quatter la damaun è in manischunz charrà sin la via da l’Alpsu, da Tavanasa en direcziun Glion. A Rueun è el collidà cun in pitga d’ina banderola da reclama, communitgescha la polizia. Ses auto saja sinaquai cupitgà e sa fermà sin il tetg sin ina plazza chavaltgar. Ils chavals eran durant l’accident anc en il clavà.
Charrà senza permiss
Il manischunz ha pudì sa deliberar or da l’auto. Tar la controlla da l’automobilist ha la polizia constatà che l’um da 65 onns è charrà malgrà che ses permiss d’ir cun auto era vegnì retratg. El saja vegnì transportà cun levas blessuras en l’ospital da Glion.
RR novitads 14:00