Davent da la basa da Tavanasa è RTR sgulà l'entir di cun il pilot Tobias Herren e ses gidanters tras il Grischun. I è stà in di pulpì: Gia las 06:30 èsi ì liber davent da Tavanasa. Lura èsi stà da sgular laina, da sgular proviant sin chamonas ed er da transportar animals d'in lieu a l'auter.
-
audioSaira: RTR en l'aria - discurs cun pilot Tobias Herren05:03 min, ord Actualitad dals 08.08.2016.laschar ir. Durada: 5 minutas 3 Secundas. -
audioOrd l'aria: L'ultima staziun per oz ord da Val Son Pieder05:57 min, ord Actualitad dals 08.08.2016.laschar ir. Durada: 5 minutas 57 Secundas.
-
audioMezdi: RTR en l'aria cun il gidanter da sgol Alexander Caduff03:41 min, ord Actualitad dals 08.08.2016.laschar ir. Durada: 3 minutas 41 Secundas.
-
audioMezdi: RTR en l'aria - Tenna, Val Stussavgia 11:1004:21 min, ord Actualitad dals 08.08.2016.laschar ir. Durada: 4 minutas 21 Secundas.
-
audioBunura: RTR en l'aria 8:20 cun Ivan Hefti04:07 min, ord Actualitad dals 08.08.2016.laschar ir. Durada: 4 minutas 7 Secundas.
-
audioBunura: RTR en l'aria, las preparaziuns02:57 min, ord RTR Audio dals 08.08.2016.laschar ir. Durada: 2 minutas 57 Secundas.
Da la Val Medel fin en Val S. Pieder
L'emprim sgol ha manà ils lavurers ed il pilot en la Val Medel, pli precis al pe dal Piz Scopi e directamain al mir da fermada dal Lai da Sontga Maria. Là ha il pilot Tobias Herren stuì far sgols da transport per la pendiculara dal Scopi.
Silsuenter èsi ì directamain sur Sumvitg en il guaud per far transports da laina. Ina planta suenter l'autra vegn sgulada cun enorma precisiun sin in mantun. E gia èsi stà uras per tancar il helicopter, 220 liters èn vegnids tancads a Tavanasa, suenter ils sgols sin il Pass dal Lucmagn, a Sumvitg ed insaquants sgols da laina era mo pli restads 50 liters.
Pli tard hai dà plirs transports da rauba. Davent da sgular proviant sin chamonas fin tar transports da betun. Sper quai ha il team enturn Tobias Herren er stuì sgular trais vatgas crappadas davent dad alps tar vias per ch'ellas possian vegnir transportadas davent. Cun quellas acziuns è il di cun il helicopter ì a fin - per il team ed er per noss dus reporters.
Il helicopter
- Tip: AS 350 B3e airbus Ecureuil
- Prestaziun: 850 ps
- Pais da vit: 1'280 kilos
- Po auzar 1'200 enfin max. 1'400 kilos
- Sveltezza maximala: 287 km/h
- Autezza da record: 12'954 m.s.m.
- Autezza da sgol normala: 7'000 m.s.m.
- Dumber da turs dals rotors: 393 rotaziuns per minuta
Il program:
- 06:30 partenza da Tavanasa
- 07:30 sgular laina a Sumvitg
- 10:00 sgular proviant per la chamona da Terri
- 10:40 sgols da transport a Tenna
- 14:00 sgular proviant per la chamona da Medel
- 15:00 sgols da transport en la regiun da val S. Pieder
- 16:30 transportar duas vatgas crappadas
- 17:30 sgol enavos a Tavanasa
RR actualitad 07:00