Siglir tar il cuntegn

Chantun Roschada dals departaments

Dus da trais actuals midan: Christian Rathgeb surpiglia las finanzas, Jon Domenic Parolini las scolas e la cultura. Mario Cavigelli resta tar ses Departament da construcziun, traffic e selvicultura.

Legende: Video Repartiziun dals departaments – dus midan, in resta abspielen. Laufzeit 3:10 Minuten.
Or da Telesguard dals 26.06.2018.

Per la proxima perioda d'uffizi dal 1. da schaner 2019 fin ils 31 da december 2022 sa preschenta la repartiziun dals departaments pia sco suonda:

  • Marcus Caduff: Departament d'economia publica e fatgs socials
  • Peter Peyer: Departament da giustia, segirezza e sanadad
  • Jon Domenic Parolini: Departament d'educaziun, cultura e protecziun da l'ambient
  • Christian Rathgeb: Departament da finanzas e vischnancas
  • Mario Cavigelli: Departament da construcziun, traffic e selvicultura

Christian Rathgeb (PLD) mida e daventa schef dal Departament da finanzas. Era Jon Domenic Parolini (PBD) mida. El surpiglia il Departament d’educaziun, cultura e protecziun da l’ambient. L’unic dals cussegliers guvernativs d’enfin qua che resta tar ses departament è Mario Cavigelli (PCD). El maina vinavant il Departament da construcziun, traffic e selvicultura.

Nus da la regenza avain vulì ch'i dettia ina roschada e perquai sun er jau sa declerà pront da far ina midada.
Autur: Jon Domenic Parolinicusseglier guvernativ

Dals dus cussegliers guvernativs novs surpiglia Marcus Caduff (PCD) il Departament d’economia e fatgs socials e Peter Peyer (PS) surpiglia quel da giustia, segirezza e sanadad.

La nova repartiziun dals departaments.
Legenda: La nova repartiziun dals departaments. RTR

RR novitads 16:00