Siglir tar il cuntegn

Chantun Roger Schawinski dat si il cumbat

Il tribunal europeic per dretgs umans a Strassburg n'è betg entrà en il plant da Roger Schawinski en chaussa surdada da concessiun al Radio Südostschweiz cun l'argumentaziun che quel na saja betg permess, uschia rapporta la NZZ.

Roger Schawinski è trumpà da la decisiun a Strassburg.
Legenda: Roger Schawinski è trumpà da la decisiun a Strassburg. Keystone

Per l'interprendider da medias è quai uschia gia la terza terrada suenter ch’el ha recurrì tar tut las instanzas pussaivlas. Sco quai che Schawinski ha ditg envers il schurnal regiunal da SRF, saja el trumpà da questa decisiun e dettia ussa si il cumbat cunter ils mulins da vent en il Grischun.

Il possessur da Radio 1 e Planet 105 aveva bajegià si ses recurs sin la posiziun da monopol presumtiva da la chasa da medias Somedia.

RR novitads 20:00