Cun il vaccinar vai plaun plaunet vinavant en Grischun. Mesemna ha la media chantunala tratg in'emprima bilantscha positiva. Ma, i dettia anc avunda sfidas. Dasper la logistica, il transport e la planisaziun plitost cumplitgada dal vaccin da Biontech e Pfizer, saja er la sceptica tar il persunal da tgira in tema.
Sco la media chantunala Marina Jamnicki ha ditg en in'intervista cun RTR, dettia ina part da la populaziun che veglia segir sa laschar vaccinar, ma er ina che na veglia segir betg laschar vaccinar. La gronda part dentant saja entamez e vul dapli infurmaziuns per decider.
RTR vul perquai savair tge che vus pensais.
Questa retschertga n'è betg represchentativa.
