Siglir tar il cuntegn
cuntegn

Chantun Resuns positivs da las destinaziuns

Tge che la suprastanza na ha betg vulì tradir a la radunanza generala dal prim da matg, è vegnì enconuschent mardi: Jürg Schmid vegn nominà per il presidi da Grischun Vacanzas. Las destinaziuns reageschan ordvart positiv sin da questa candidatura.

Purtret da Jürg Schmid.
Legenda: Pli probabel il nov directur da Grischun Vacanzas, Jürg Schmid. Keystone

Dumondas da retschertga tar ils directurs da Tavau/Claustra, Lai, Arosa, San Murezzan, Scuol/Samignun e Val Müstair portan in resun unitar positiv. Tuts han ditg ch’els sajan stads surprais da la nominaziun da Jürg Schmid, ma els sustegnian la nominaziun e sperian sin ina buna collavuraziun.

Las spetgas èn grondas

Jürg Schmid, che ha lavurà 18 onns sco directur da Svizra Turissem, sveglia grondas spetgas tar ils directurs da las destinaziuns menziunadas. Tut speran che ses buns contacts naziunals ed internaziunals sajan d'avantatg per il Grischun sco destinaziun da vacanzas. S’exprimì pli cler è Niculin Meyer da la destinaziun Scuol/Samignun e Val Müstair. Lez pretenda cleramain in directur pli strategic e pli pauc operativ.

RR novitads 18:00