En in emprim pass surpiglia la banca tut las aczias da la banca privata «Bellerive SA» ed augmenta uschia sia participaziun da 62,5% sin 100%. A medem temp venda la banca sia cumpart da 50% vid la banca privata «Client Bank SA», e quai, retroactiv per l'emprim da schaner 2016.
Questas transacziuns duain esser terminadas enfin il mais da zercladur. Ellas n'hajan dentant nagina influenza sin las spetgas dal gudogn. La Banca Chantunala Grischuna fa vinavant quint cun in gudogn da fin 171 milliuns francs.
Suletta acziunaria da «Bellerive SA»
Cun questas transacziuns daventa da Banca Chantunala Grischuna suletta acziunaria da la «Bellerive SA». Questa banca è spezialisada sin l'administraziun da facultad da clients domiciliads en Svizra. I è planisà da reducir la participaziun anc en il decurs da quest onn sin 55% cun includer novs investiders.
RR novitads 20:00