Siglir tar il cuntegn

Header

cuntegn

Chantun Reservar online abitaziuns - avunda enconuschent en il Grischun

Las plattafurmas da locaziun sco per exempel Airbnb èn avunda enconuschentas tar ils possessurs d'abitaziuns en il Grischun che vulan laschar vi lur localitads. I na dovra nagina offensiva d’infurmaziun, respunda la regenza grischuna ina dumonda or dal Cussegl grond.

Il deputà Maurus Tomaschett da la PCD aveva dumandà la regenza, sch’il turissem grischun saja avunda digital. D’ina vart las destinaziuns turisticas, ed alura era ils possessurs d’abitaziuns. Quai en vista a las plattafurmas da reservaziuns che daventian adina pli impurtantas.

Las destinaziuns decidan sezzas

Per la regenza grischuna è la digitalisaziun ina schanza per il turissem grischun. Ed i saja da nizzegiar ils avantatgs da questas midadas nua che pussaivel. Mintga destinaziun decidia, cun tge interpresas e cun tge plattafurmas da reservaziuns ch’ellas lavurian ensemen.

Ina dumonda da la strategia

Ina decisiun strategica stoppian era las interpresas d’alloschament prender, cun eleger las vias per offrir lur abitaziuns e chombras. E tgi che guntgeschia d’esser online, desistia d’in chanal da distribuziun global. Quai scriva la regenza grischuna en sia resposta a la dumonda dal deputà Maurus Tomaschett.

RR novitads 12:00

Artitgels legids il pli savens