Il concern d’energia grischun Repower venda sia societad affiliada, la Connecta SA a la direcziun da quella. Il mainafatschenta Peter Caviezel ed il manader tecnic Walter Albin surpiglian ensemen cun Beat Huwyler – ch’è dapi ditg partenari – a partir d’immediat la fatschenta.
Sco la Repower communitgescha, sajan cun la vendita da la Connecta SA la cuntinuitad per il lieu, las plazzas da lavur ed il servetsch per ils clients garantida.
La Connecta SA porscha raits da communicaziun en il Grischun. La sedia principala è a Glion e l'interpresa occupescha actualmain 17 persunas.