Siglir tar il cuntegn
Inhalt

Chantun Repower - l'ultim di a la bursa svizra

Las aczias da Repower vegnan martgadadas la gievgia per la davosa giada a la bursa SIX Swiss Exchange. Ils 29 d'avrigl vegn il commerzi cun aczias da Repower ordaifer la bursa surdà a la Banca chantunala Bernaisa. Sco Repower scriva saja la martganzia uschia garantida senza’interrupziun.

Il logo da la Repower vi di'ina paraid da lain.
Legenda: Repower è in'interpresa d'energia cun sedia principala a Poschiavo e filialas a Küblis, Bever, Glion, Landquart, Turitg, Milaun e Bucarest. Keystone

Repower aveva gia annunzià il december passà da dequotar las aczias.

L'interpresa producescha electricitad, venda energia e gas e mantegna ina rait da provediment. En Svizra focussescha Repower cunzunt il commerzi d'energia e l'administraziun d'implants e servetschs d'energia.

Sustegn dal chantun

Il chantun Grischun sustegnia la nova strategia da Repower, aveva ditg il cusseglier guvernativ e minister d’energia Mario Cavigelli il december 2015. Il chantun è il pli grond acziunari da Repower cun 58% da las aczias. Las aczias vul il chantun salvar ed era sustegnair Repower en il futur.

RR novitads 12:00