Siglir tar il cuntegn

Chantun Repower annunzia nova strategia

Il concern d'energia grischun Repower sa posiziunescha da nov. Tenor ina communicaziun vul l'interpresa producir en l'avegnir 100% energia regenerabla, sa concentrar sin la fiera svizra e taliana e tranter auter vender la fatschenta en la Rumenia.

Legende: Video Repower cun nova strategia abspielen. Laufzeit 02:59 Minuten.
Or da Telesguard dals 18.12.2015.

La Repower reveda sia strategia da fatschenta. Sco l'interpresa communitgescha, ha il cussegl d'administraziun decis las suandantas midadas:

  • nov posiziunament cun focus servetsch d'energia
  • conzentraziun sin las fieras en Svizra ed Italia
  • promover la collavuraziun strategica cun auters partenaris
  • producziun d'energia or da funtaunas ch'èn 100% regenerablas
  • examinar la diversificaziun (fatschenta en Rumenia, participaziun nucleara, implant Teverola)
  • retratga da la bursa (decotaziun ed introducziun d'in'aczia nominala standardisada)

Areguard la collavuraziun cun auters partenaris ha la Repower communitgà communablamain cun l'interpresa Swisspower d'examinar in'eventuala collavuraziun.

Cusseglir guvernativ Mario Cavigelli
Legenda: RTR
In midament da la strategia è stà da prevair.
Autur: Mario Cavigelliminister d’energia dal chantun grischun

Sustegn dal chantun

Il chantun grischun sustegnia la nova strategia da la Repower, di il cusseglier guvernativ e minister d’energia Mario Cavigelli. Il chantun é il pli grond acziunari da la Repower cun 58% da las aczias. Las aczias vul il chantun salvar enavant ed era sustegnair la Repower en il futur.

L'interpresa

La Repower è in'interpresa d'energia cun sedia principala a Poschiavo e filialas a Küblis, Bever, Glion, Landquart, Turitg, Milaun e Bucarest. Ella producescha electricitad, venda energia e gas e mantegna ina rait da provediment. En Svizra focussescha la Repower cunzut il commerzi d'energia e l'administraziun d'implants e servetschs d'energia.