Siglir tar il cuntegn
cuntegn

Chantun Regiun da radio Moesa duai restar tar il provediment sidoriental

La regenza grischuna refusa decididamain ina midada proponida en l'ordinaziun davart la gestiun da frequenzas e concessiuns da radio.

radio DAB
Legenda: Maletg simbolic: Tenor la regenza grischuna duai la regiun Moesa restar en il provediment da radio da la Svizra sidorientala. Pixabay

Grischunas e Grischuns da la regiun Moesa / Val Mesauc e Calanca hajan il dretg da survegnir infurmaziuns specificas dal chantun ed infurmaziuns local-regiunalas, uschia scriva la regenza en sia posiziun tar la midada planisada da l'ordinaziun davart radio e televisiun.

Tenor la regenza èsi absolutamain necessari che las infurmaziuns dal radio concessiunà sa refereschian a las particularitads politicas, economicas e culturalas da la regiun Moesa. La regenza è cleramain da l'avis che quai possia be vegnir ademplì sche la regiun Moesa resta er en l'avegnir en l'intschess da provediment 'Svizra sidorientala'.

RR novitads 10:00