Siglir tar il cuntegn

Header

cuntegn

Chantun Regenza vul restar tar in Cussegl grond cun 120 commembers

Il Cussegl grond na duai betg vegnir reducì sin 90 commembers. Quai respunda la regenza grischuna ad in’intervenziun parlamentara da la fracziun da la Partida social democratica PS.

En sia resposta argumentescha la regenza, che las circumstanzas ch'hajan manà ina giada da fixar il dumber sin 120 deputadas e deputads na sajan betg sa midadas.

120 deputadas e deputads correspundan al Grischun

Da reducir il dumber tenor l’intervenziun parlamentara da la PS pudess procurar ch’ils territoris periferics e las linguas chantunalas na vegnian betg represchentadas a moda suffizienta.

Betg necessari da discurrer dal sistem d'elecziun

En la medema resposta dat la regenza in chanaster a l’idea da la PS da vulair retractar la tematica dal sistem d’elecziun – vul dir da bandunar il sistem da maiorz actual a favur dal sistem da proporz. Cunquai ch’il suveran haja pir dacurt ditg «na» in’ulteriura giada, na vesia la regenza nagin basegn d'agir.

La regenza propona perquai al Cussegl grond da betg acceptar l’incumbensa da la PS.

RR novitads 11:00

Artitgels legids il pli savens