Siglir tar il cuntegn

Header

Navigaziun

chatschadur vida spievlar
Legenda: En tut evaluescha la regenza da realisar radund la mesadad da las pretensiuns da l'iniziativa. Tgenina mesadad n'è betg vegnì tradì. Keystone
cuntegn

Chantun Regenza vul dapli temp per l'iniziativa da chatscha

Il Cussegl grond duai spustar la debatta pertutgond l'iniziativa «Per ina chatscha cumpatibla cun la natira ed etica».

La regenza vul numnadamain discutar quest'iniziativa il medem mument sco la revisiun da la lescha da chatscha l'october 2016. Quai ha ditg il cusseglier guvernativ Mario Cavigelli al schurnal regiunal da radio SRF.

Nus evaluain normas per las tematicas sco alcohol, chatscha cun traplas e muniziun senza plum.
Autur: Mario CavigelliSchef dal departament da construcziun, traffic e forestalesser.

Radund la mesadad da las pretensiuns da l'iniziativa «Per ina chatscha cumpatibla cun la natira ed etica» vul la regenza integrar en la revisiun da la lescha da chatscha. Concret tgeninas n'ha Cavigelli betg vulì tradir.

Il Cussegl grond decida quai en la sessiun che cumenza en 10 dis. Cun reveder la lescha da chatscha vul la regenza resguardar tschertas pretensiuns da l'iniziativa ed ademplir tschertas in'incumbensas or dal Cussegl grond.

Ils puncts pretendids da l'iniziativa

1. Protecziun generala da vatgas-tschierve chauras-chavriel che portan ed era dals animals giuvens.
2. Scumond da la chatscha cun traplas.
3. Scumond da la chatscha d'utschels.
4. Scumond da chatscha tranter il 1. da november e la chatsch'auta da l'onn seguent.
5. Ina cumpart equilibrada da chatschadurs, na-chatschadurs ed adversaris da la chatscha tar il persunal da l'Uffizi per chatscha e pestga, ed en la cumissiun da chatscha.
6. Fixar ina limita da promills d'alcohol durant la chatscha.
7. Examens periodics da la segirezza da culp e scumond da muniziun cun plum.
8. Uffants fin 12 onns na duain betg dastgar accumpagnar chatschadurs e betg vegnir motivads en scola dad ir a chatscha.
9. Tar donns extraordinaris dastgan ils organs da surveglianza da chatscha regular l'effectiv d'animals mo, sche tut tschellas mesiras n'han betg gì effect.

RR novitads 18:00