Chantun - Regenza insista sin il center da sport da naiv Lai
La realisaziun dal Center naziunal da sport da naiv a Lai è da preferir cleramain ad in ulteriur engrondiment dals centers da Magglingen e da Tenero. Da quest avis è la regenza grischuna.
En ina brev a la Confederaziun ha ella ultra da quai suttastritgà ch’ella deploreschia la decisiun ch’il project da Lai è vegnì sistì fin il 2023. Il project saja fitg impurtant per la promoziun dal sport da naiv e dal sport d’uffants e da giuvenils.
