Siglir tar il cuntegn

Header

cuntegn

Regenza grischuna Sustegn per svilup economic en regiuns

La regenza grischuna vul rinforzar il svilup economic en las regiuns. La finamira da la nova concepziun da management è da stgaffir plazzas. La regenza grischuna ha deliberà la missiva per ina revisiun parziala da la lescha correspundenta.

Il management regiunal duai vegnir finanzià il futur tenor la lescha per promover il svilup economic en il chantun Grischun. Sco la regenza scriva, survegnia il svilup regiunal uschia dapli spazi d'agir. La nova basa legala pudess esser la basa per dapli impuls en l'economia regiunala.

730'000 francs dapli l'onn

La nova concepziun per il svilup economic regiunal custa al chantun 730'000 francs dapli l'onn. Per l'ina perquai che la contribuziun federala scroda; e per l'autra cunquai ch'i dat duas novas plazzas tar l'Uffizi per economia e turissem.

Il Cussegl grond vegn a tractar il project probablamain en la sessiun dal zercladur 2020.

RTR novitads 11:00