Siglir tar il cuntegn
Inhalt

Chantun Regenza grischuna refusa nov Tarmed

La midada da tariffa da medis, Tarmed na persvadia betg medis da chasa da sa chasar en regiuns pli periferas, scriva la regenza grischuna. Ed ella tema era ch'il provediment da la sanadad ora sin la terra pateschia.

Purtret d'in media da chasa che tracta in pazient.
Legenda: Cun la nova tariffa da medis, Tarmed na vegni betg pli attractiv per medis da chasa en la periferia. Keystone

La regenza grischuna è da l'avis che la nova structura da tariffas da Tarmed ha dapli dischavantatgs che avantatgs per il chantun Grischun. Perquai refusa ella questa revisiun. La revisiun prevesa ina structura da tariffas unitara per l'entira Svizra. I dovra ina nova structura perquai che la veglia, Tarmed, vala be pli enfin la fin da quest onn.

La regenza grischuna crai che la nova tariffa na persvadia betg medis da chasa da sa chasar en la periferia. Plinavant muntass la midada da la tariffa da medis Tarmed ch'ils ospitals grischuns perdessan var 11 milliuns francs entradas. Ed i saja da quintar cun custs da sanadad pli auts.

Vinavant pretenda la regenza, che quels custs che vegnissan spargnads cun agid da la nova tariffa stoppian vegnir investids per rinforzar il provediment medicinal da vasa en las regiuns urbanas, sco era en la periferia.

RR novitads 14:00