Chantun - Regenza grischuna pretenda internet pli svelt
La regenza grischuna pretenda ch'il chantun garantescha per ils territoris abitads in provediment d'internet cun ina rata da transmissiun d'almain 5 megabits/s per telechargiar datas.
Cun sia pretaisa prenda la regenza posiziun davart la revisiun parziala da l'ordinaziun davart ils servetschs da telecommunicaziun OST.
Tenor il sboz da l'OST èsi previs ch'il provediment da basa cumpiglia in attatg d'internet cun almain 3 megabits/s. Per la regenza grischuna è quai dentant memia pauc en vista al svilup tecnic.