Chantun - Regenza grischuna beneventa la promoziun dal sport
La regenza grischuna beneventa las stentas da la Confederaziun per promover il sport en Svizra. En sia resposta da consultaziun sa basa la regenza surtut sin il concept per il center naziunal da sport da naiv.
Ella beneventia la realisaziun da quel senza restricziuns, communitgescha la regenza. Tenor il rapport da la Confederaziun sa chatta il project da Lai cleramain sin posiziun 1.
Il chantun saja pront da subvenziunar il center naziunal cun ina contribuziun da 10 milliuns francs. La regenza è da l’avis ch’in tal center fiss in’attracziun per ils sports da naiv en l’entira Svizra.
