Siglir tar il cuntegn

Header

video
Regenza grischuna cler cunter iniziativa «NO-Billag»
Or da Telesguard dals 07.11.2017.
laschar ir. Durada: 58 Secundas.
cuntegn

Chantun Regenza cunter «No-Billag»

La regenza grischuna è cleramain cunter l'iniziativa «No-Billag» che vul stritgar las contribuziuns per radio e televisiun. Tar in «gea» fiss il Grischun sco chantun triling pertutgà uschè ferm sco nagin auter chantun, argumentescha la regenza.

Per producir radio e televisiun en tudestg, talian e rumantsch dovria la Billag. In gea a l'iniziativa muntass ch'i fiss strusch pli pussaivel da rapportar local, tge che capita en il Grischun.

audio
Bunura: Regenza grischuna è cunter «No Billag»
ord Actualitad dals 08.11.2017.
laschar ir. Durada: 1 minuta 40 Secundas.

Purschida solida cun SSR e Somedia …

Actualmain haja il Grischun ina purschida solida tar las medias electronicas – quai cun ils programs da la SSR SRG (RTR, RSI, SRF) e da la Somedia (RSO, TSO).

Quai garanteschia rapports regiunals e locals, ed era la diversitad da las funtaunas che saja relevanta per sa far in'opiniun a moda democratica, communitgescha la regenza.

… na saja betg finanziabla da moda privata

Tar in gea vegniss questa purschida liquidada quasi dal tuttafatg. Da finanziar a moda privata ina purschida sumeglianta en qualitad e quantitad è tenor la regenza nunpussaivel en tut ils chantuns muntagnards e rurals da la Svizra. Quai surtut en il chantun Grischun ch'è triling.

RR novitads 12:00

Artitgels legids il pli savens