Siglir tar il cuntegn
Inhalt

Chantun Regenza beneventa la tariffa speziala per l’hotellaria

Hotels, pensiuns ed albierts duain era vinavant pudair planisar a moda segira lur futur. Uschia sustegn la regenza grischuna la proposta da la cumissiun d’economia dal Cussegl naziunal.

il hotel Malögia.
Legenda: La hotelleria grischuna dovra la tariffa speziala per la taglia sin la plivalur. Keystone

La regenza grischuna sustegn la proposta da la cumissiun d'economia dal Cussegl naziunal pertutgant la tariffa speziala da la taglia sin la plivalur per prestaziuns d'alloschament.

Tenor la cumissiun duai la tariffa speziala vegnir francada en la Constituziun senza ina limita da temp. La tariffa actuala scada la fin da quest onn.

Hotels dovran il mument segirtad

Sco quai che la regenza scriva plinavant dovrian ils hotels e l’entira branscha d’alloschaments urgentamain questa segirtad en quests temps difficils.

L’entir sectur è da impurtanza evidenta per il chantun Grischun. Uschia lavuran passa 11% da la populaziun en il chantun en questa branscha.

RR novitads 10:00