Siglir tar il cuntegn

Header

Navigaziun

Chasa grischa a Cuira
Legenda: La regenza grischuna è da l'opiniun che la taglia sin interpresas 3saja necessaria. RTR, F. Cajochen
cuntegn

Chantun Regenza beneventa direcziun generala da RTI 3

La regenza grischuna è da l'avis che la refurma da l'imposiziun da taglia sin interpresas 3 (RTI 3), planisada per l'onn 2019, saja necessaria. Da ses success dependia l'attractivitad da la Svizra sco lieu economic.

Ils status fiscals chantunals spezials da fin ussa per societads da holding, da domicil e maschadadas ston vegnir abolids perquai ch'els na vegnan betg pli acceptads sin plaun internaziunal. Quai menziunescha la regenza en concordanza cun la conferenza da las regenzas chantunalas (CdC) sco er cun la conferenza da las directuras e dals directurs chantunals da finanzas (CDF) en la consultaziun a la confederaziun.

Regenza refusa taglia sin gudogn da chapital

La regenza grischuna beneventa mesiras sco l'introducziun d'ina trucla da licenzas, las adattaziuns tar la taglia sin il chapital e la regulaziun transitorica per scuvrir reservas zuppadas. L'introducziun d'ina taglia sin il gudogn da chapital tras vaglias refusa la regenza percunter.

Grischun è pertutgà indirectamain

Ils chantuns vegnan pertutgads fitg differentamain da la refurma. Il Grischun è pertutgà en in emprim pass cunzunt indirectamain da la refurma, perquai che la RTI 3 ha consequenzas per la gulivaziun da finanzas da la confederaziun e per la concurrenza fiscala interchantunala.

Ord vista da la regenza grischuna èsi fitg impurtant che las mesiras planisadas per mitigiar questas consequenzas indirectas vegnian francadas da bel principi en la lescha. (cdm/ec)

RR novitads 10.00