Ils ultims 25 onns hai dà en il Grischun radund 500 incendis da guaud. Blers pitschens e mesauns, dentant er insaquants gronds. Per exempel l'incendi a Mesocco/Calanca il 1997. 390 hectaras èn brischadas lezza giada.
Novs e nunenconuschents privels
Markus Feltscher, directur da l'Assicuranza d'edifizis dal Grischun (GVG), ha referì il mardi saira davart las sfidas che sitgira porta per els. Tranter auter ha el er preschentà in privel, ch'è n'è anc betg enconuschents en il Grischun.
Sfundrada da bajetgs: Quai munta che bajetgs van a funs perquai ch'il terren è uschè sitgs. Quest fenomen è ozendi oravant tut enconuschents en l'Engalterra u èr en ils chantuns Vad e Giura.
La sfundrada da bajetgs haja dentant betg adina mo da far cun la sitgira. Tuttina è la sitgira in tema che vegn ad occupar fermamain la GVG en il futur.
RR actualitad 17:00