Siglir tar il cuntegn
Inhalt

Chantun Reactivar idea da viafier orientala da las Alps

Quai pretenda il deputà da la PLD da Tavau Peter Engler en in'incumbensa. La raschun èn las capacitads limitadas da la NEAT.

Tren en staziun.
Legenda: L'idea dad ina viafier orientala da las Alps duai vegnir reanimada. Keystone

Il deputà da la PLD da Tavau Peter Engler pretenda en in'incumbensa che la regenza grischuna examineschia l’idea d’ina viafier orientala da las Alps da Cuira a Chiavenna. Quai pervi che las capacitads da la NEAT cun ils tunnels dal Gottard e dal Lötschberg saja en almain 25 fin 30 onns al limit. Uschia dovria quai ina alternativa, scriva Engler en sia incumbensa a la regenza.

Uss duajan las pussaivladads tecnicas d’ina viafier orientala da las Alps vegnir examinadas sco er ina strategia per ils proxims 50 fin 100 onns. Il rapport intermediar duai esser pront mez 2018, il rapport final per mauns dal Cussegl grond lura la fin dal 2019. Il Cussegl grond vegn alura a decider sche la regenza duai definitivamain elavurar l'incumbensa.

RR novitads 07:00