Siglir tar il cuntegn

Header

cuntegn

Chantun Rathgeb ha fatg la carriera politica classica

Il 1986 fundà ina partida e bunamain 30 onns pli tard cusseglier guvernativ e manader dal departament da giustia, segirtad e sanadad. Uschia pudessan ins resumar la carriera politica da Christian Rathgeb.

Il 1986 ha el fundà cun sis auters la partida liberal democratica giuvna. Là è el daventà secretari e president. Cun 30 onns è el entrà en la partida mamma e daventà president. Sper quai è Christian Rathgeb stà deputà en il Cussegl grond e president dal Cussegl grond. Il 2012 è Rathgeb vegnì elegì sco cusseglier guvernativ. Ina carriera politica cun quasi tut las staziuns pussaivlas.

audio
Mezdi: Christian Rathgeb ha fatg la carriera politica classica
ord Actualitad dals 06.08.2015.
laschar ir. Durada: 3 minutas 19 Secundas.

Siemià u gì la finamira da far uschia ina carriera n’ha il giuven da 16 onns ch'ha fundà la PLD giuvna dentant betg gì da quai temp. Tenor Christian Rathgeb s'auda er bler cletg vitiers, esser en il dretg mument en il dretg lieu e cunzunt avair il plaschair vid la politica.

Artitgels legids il pli savens