Siglir tar il cuntegn

Header

cuntegn

Chantun Rap per acceptanza - cun 'sang' e suttitels chinais

Il nov video «Dar il maun» da las Liricas Analas tematisescha l'ester, violenza ed il cuntrari - avertadad e toleranza. Duas chaussas dal clip èn marcantas: Ins vesa blers mauns cun 'sang' - e suttitels chinais. Ha quai ina muntada speziala ni èsi ina sgnocca?

audio
Bunura: Liricas Analas - Daco in video cun suttitels chinais?
ord Actualitad dals 21.05.2016.
laschar ir. Durada: 1 minuta 50 Secundas.

Ditg èsi stà ruassaivel enturn las Liricas Analas. Ed uss è arriva lur disc nov, il 5avel «Banalitad» cun in return tar lur ragischs: dapli rap e hip hop, damain disco.

Per lur video da la chanzun «Dar il maun» han las Liricas gì in’idea nunusitada. Il clip porta numnadamain suttitels chinais.

Tut chinais? U rumantsch?

Ah gea, a propos chinais...

Avrir la box Serrar la box

肛门歌词 - quai è chinais (simplifitgà), e vul dir... guardai qua!

L’idea per quests suttitels hajan els gì plitost spontanamain, di Flepp. Els n’hajan en emprima lingia nagina muntada pli profunda - pia plitost ina sgnocca.

Ina connotaziun pussaivla saja dentant che la lingua rumantscha possia tunar in zic 'chinais' en ureglias che n’enconuschan betg ella. Ins saja sco Rumantsch gea anc savens confruntà cun la dumonda davart l’atgna lingua, essend ils Rumantschs ina minoritad linguistica.

Il messadi: eba, dar il maun

Pli chapibel ch’il chinais duess dentant esser il messadi dal videoclip. Tenor Flepp sa fatschenta la chanzun – ed er il video – d’in vart cun ils temas toleranza, acceptanza ed avertadad.

Da l’autra vart giaja quai exact per il cuntrari, numnadamain violenza e sang, accentuescha Flepp. Perquai han las Liricas er elegì la colur cotschna sco tema central per il video, ina represchentaziun dal ‘sang’.

L’associaziun cun sang è endretg ch’ella è denturn.
Autur: MC Flepp

RR actualitad 08:00

Artitgels legids il pli savens