Siglir tar il cuntegn

Header

Navigaziun

 Donat Nay, Ladina Simonelli-Zisler, Vincent Augustin, Beatrice Baselgia e Gion Lechmann.
Legenda: La nova suprastanza: Donat Nay, Ladina Simonelli-Zisler, Vincent Augustin, Beatrice Baselgia e Gion Lechmann (da san.) MAD, Momir Cavic
cuntegn

Radunanza generala SRG.R Vincent Augustin vul cuntanscher meglier ils giuvens

A chaschun da la radunanza generala a Laax ha il nov president, Vincent Augustin, preschentà las sfidas per l'avegnir da la SRG.R. En pli ha l'organisaziun cumplettà sia suprastanza cun Ladina Simonelli-Zisler e surdà il premi SRG.R 2019 a la scola primara da Donat..

Esser president da la SRG.R munta da far part dad ina uniun fitg impurtanta, perquai che la SRG.R saja purtadra da la chasa da medias RTR. RTR haja per il schurnalissem rumantsch e per mantegnair linguatg e cultura rumantscha ina gronda impurtanza, ha ditg il president nov da SRG.R Vincent Augustin.

Las sfidas per l’avegnir:

  • las medias sa chattan en ina transfurmaziun digitala
  • cuntanscher enavant la giuventetgna
  • squitsch finanzial sin las medias
  • collavurar cun la pressa rumantscha

Ladina Simonelli-Zisler è nova suprastanta

A chaschun da la radunanza generala a Laax han ils preschents elegì la scolasta primara da 50 onns sco successura da Gion Cola. Quel aveva demissiunà ord raschuns persunalas.

Ladina Simonelli-Zisler
Legenda: Ladina Simonelli-Zisler è nova commembra da la suprastanza SRG.R. MAD, Momir Cavic

Surdada dal premi SRG.R

Plinavant ha la SRG.R surdà a Laax il premi SRG.R 2019. Quel ha la scola primara da Donat retschavì en renconuschientscha da sia premura per la tgira e promoziun da l'idiom sutsilvan. Radund 10 uffants han surpiglià il premi en il num da la scola primara da Donat en Val Schons.

Classa da Donat cun Vincent Augustin e Hansjörg Hassler.
Legenda: MAD, Momir Cavic

Las scolaras ed ils scolars ensemen cun las magistras ed il manader da la scola da Donat suenter la surdada dal premi SRG.R 2019. Er sin la fotografia èn il president da la SRG.R Vincent Augustin ed il laudatur Hansjörg Hassler.

RR novitads 14:00