Quant dastga la scola custar?

En il Cussegl grond vegn er oz debattà: In punct dispitaivel dal rendaquint statal dal 2015 èn las expensas per la scola - quellas èn per passa il dubel pli autas che planisà.

Martin Jäger, il parsura dal uffizi d'educaziun sto declerar las expensas che la nova lescha da scola ha chaschunà.

Legenda da maletgs: Martin Jäger Martin Jäger, il parsura da l'uffizi d'educaziun sto declerar las expensas che la nova lescha da scola ha chaschunà. RTR, G. Caviezel

Angela Casanova Maron, la deputada da la PLD, è stada betg mal surstada cur ch'ella ha legì il rapport da gestiun e rendaquint statal da l'onn 2015. Enstagl da 10,4 milliuns francs èn resultads passa 25 milliuns francs per la scola - per part in resultat da la lescha da scola ch'è vegnida revidida totalmain l'onn 2013. Pia passa il dubel da las expensas planisadas. Perquai vul Angela Casanova Maron cuntanscher cun in'incumbensa a la regenza bainprest gia ina revisiun da la lescha da scola.

Il motiv per ils custs bler pli auts na saja betg da tschertgar mo en la lescha da scola, replitga Martin Jäger, il minister d'educaziun. Per exempel sajan ils custs er creschids uschè fitg, perquai che dapli geniturs fan diever da structuras dal di u perquai che bleras scolas hajan installà in manader da scola. Quai na prevesia la lescha betg exnum. In ulteriur motiv principal saja l'auzament da pajas per scolasts ch'il Cussegl grond haja decidì durant la debatta tar la lescha da scola.

RR Actualitad 08:00