Quai bus dovra in num

A partir dal mars è RTR sin via tar ses public cun in vehichel tut spezial, numnadamain cun in bus che ha gia 38 onns.
Per ch’il bus saja cumplet mancà dentant anc il num. Uss essas Vus dumandads, faschai ina proposta e cun in zic cletg survegn il bus il num che Vus avais elegì per el.

In bus da VW (38 onns vegl) cun il corporate identiy design dad RTR ed il claim "Al puls dal Grischun". La part davos dal bus e bajegià enturn en stil da camiunetta. Sin il tetg è per lung in corn vid da metal.

Legenda da maletgs: Cun quest bus è RTR en gir l’onn 2016. RTR

Nus giain a la tschertga da las Rumantschas e dals Rumantschs en l'entir Grischun e preschentain nossa purschida multifara da radio, televisiun ed online.

In VW bus decoraus tenor il coroporate identity design dad RTR. La part davos dal bus è bajegia enturn en stil da camiunetta. La vart da la part davos e averta. Ins vesa quatter visurs cun cuntigns dad RTR

Legenda da maletgs: Il bus mussa diversas emissiuns, datas e factas e la pagina da Facebook e Twitter da RTR RTR

La punt dal bus è equipada cun infrastructura dad audio, video e multimedia. Sin in dals visurs vesais vus p.ex. il moderatur en il studio dal Radio Rumantsch, pudais dar ina baterlada e plazzar in giavisch musical.

Blera persunalitad - nagin num…anc

Nagin dubi - il bus che stat en il center da la roadshow ha bler scharm: Cun il transfurmatur sin il tetg, la colur alv/cotschna, ils 38 onns e 70 forzas-chaval (e betg ina dapli) ha il bus ina persunalitad tut speziala. E nus na vulain betg tschantschar da las transmissiuns! Persuenter tuna el propi «herzig».

Laschar ir video «Quai bus dovra in num»

Quai bus dovra in num

1:35 min, Trailers dals 25.2.2016

Vus pudais dentant anc dar dapli scharm. Faschai Vossa proposta per in num via Facebook, Twitter ( #RTRbus ) u qua giusut cun la funcziun da commentari sin rtr.ch suten ina proposta per in num.

Gudagnar

Sonda, ils 27 da favrer tira RTR la sort tranter tut las propostas. Da gudagnar datti 10 lottarias da Win for Life.

Nus giavischain blera fortuna!

66 commentaris

Serrar
    • , Marina Morgenthaler

      Sonda, 27.02.2016, 17:11

      Noss bus ha in num: Microlotta Wow – nus essan surprendidas da Vossas propostas. Passa 110 propostas han chattà la via en il studio. Marina Morgenthaler e Ladina Schena han tratg la sort questa saira al microfon. Gudagnà la concurrenza ha Gion Cahenzli da Turitg cun sia proposta “Microlotta”. Cordial engraziament per tut questas grondiusas propostas. Nus essan surpendidas.

    • , 7522 La Punt Chamues-ch

      Sonda, 27.02.2016, 15:40

      la capitola

    • , Turitg

      Sonda, 27.02.2016, 14:27

      Proposta #3: Microlotta